ABŞ Rusiya-Serbiya neft şirkəti üçün sanksiyaları UZATDI
ABŞ Maliyyə Nazirliyi sanksiyalar altında olan Rusiya-Serbiya neft şirkəti NIS-ə yeni fəaliyyət lisenziyası verib.
Redaktor.az xəbər verir ki, bu barədə Serbiya Radio və Televiziyası məlumat yayıb.
Bildirilib ki, ABŞ Maliyyə Nazirliyinin Xarici Aktivlərə Nəzarət İdarəsi (OFAC) NIS-in fəaliyyətinə icazəni dekabrın 11-dək uzadıb.
Şirkətin əvvəlki lisenziyasının müddəti oktyabrın 31-də başa çatırdı.
Bununla yanaşı, NIS-in “Qazprom Neft”ə məxsus 56,15 faizlik nəzarət səhm paketinin satışı ilə bağlı danışıqlar davam edir. Şirkətin potensial yeni sahibi kimi Macarıstanın MOL neft-qaz şirkəti nəzərdən keçirilir.
Regionun ən böyük enerji şirkətlərindən biri olan NIS ətrafında vəziyyət ABŞ-nin Rusiya-Serbiya müəssisəsinə qarşı sanksiyalar tətbiq etməsindən sonra gərginləşib. Sentyabrın sonunda şirkət OFAC-a əməliyyat fəaliyyətini davam etdirmək üçün lisenziyanın müddətinin uzadılması ilə bağlı rəsmi müraciət edib.
Xədicə BAXIŞLI
Bizi Telegram-da izləyin...
