Putinin fərmanına Yaponiyadan ETİRAZ
Rusiya Prezidenti Vladimir Putin Yaponiyanın "Japan Tobacco International" (JTI) tütün şirkətinin Rusiyadakı aktivlərini bu ölkənin "Sənaye aktivləri" səhmdar cəmiyyətinin müvəqqəti idarəçiliyinə verib.
Redaktor.az TASS-a istinadən xəbər verir ki, Putin bununla bağlı müvafiq fərman imzalayıb.
Qeyd edək ki, JTI Rusiya bazarında "Winston", "Camel", "LD" və "Sobranie" kimi brendlərlə təmsil olunur.
Şirkətin Rusiyadakı dörd fabrikində 4 minə yaxın işçi çalışır.
Yaponiya Xarici İşlər Nazirliyi isə JTI-nin Rusiyadakı aktivlərinin müvəqqəti idarəçiliyə verilməsi ilə əlaqədar Rusiyanın Yaponiyadakı səfiri Nikolay Nozdrevə etirazını bildirib.
Yaponiyanın maliyyə naziri Satsuki Katayama Tokionun Moskvanı bu qərarı ləğv etməyə çağırdığını vurğulayıb.
Bizi Telegram-da izləyin...
