"Yanan planetdə sülh qura bilməzsiniz" - Quterreş anons verdi
BMT-nin Baş katibi Antonio Quterreş COP31 iqlim sammiti çərçivəsində keçirdiyi mətbuat konfransında vida nitqi söyləyib.
Redaktor.az xəbər verir ki, BMT-nin səlahiyyət müddəti başa çatan Baş katibi COP31 iqlim sammitində emosional vida nitqində iqlim böhranı ilə mübarizənin bəşəriyyətin həyatı üçün vacib olduğunu bildirib.
Antonio Quterreş deyib: “Yanan planetdə sülh qura bilməzsiniz. İqlim fəlakətləri insanları yenidən oda atmağa davam etdikcə, yoxsulluğu aradan qaldıra bilməzsiniz. Gənclərə daha yaxşı bir gələcək vəd edə bilməzsiniz, eyni zamanda gələcəyin asılı olduğu təbii sistemləri məhv edə bilərsiniz”.
“The Guardian” yazır ki, Baş katib dekabrın sonunda vəzifəsindən gedir və onun varisi hələ də məlum deyil. Növbəti vəzifədə olan şəxsin iqlim böhranını digər məsələlərin xeyrinə kiçildəcəyi ilə bağlı geniş yayılmış qorxular var.
Xələfinə açıq bir mesaj verən Quterreş BMT-nin iqlim məsələsini qlobal gündəliyin başında qoymağa davam etməsinin səbəblərini izah edib. “İqlim dəyişmələri dünyada qəzəb və yerdəyişmələrə səbəb olur. Onilliklər ərzində qazanılan inkişaf nailiyyətlərini məhv edir. Bu, ölkələri daha dərin böhrana sürükləyir, torpaq və su uğrunda rəqabəti artırır. Bu, qeyri-sabitliyi də artırır, icmaların və ölkələrin mövcudluğunu təhdid edir. Bütün bu səbəblərə görə mən heç vaxt iqlim tədbirlərinə bir çox digər məsələdən biri kimi baxmamışam. İqlim tədbirləri BMT-nin işinin hər bir aspektinin mərkəzindədir”.
Bizi Telegram-da izləyin...
