Gürcüstanda matəm elan EDİLDİ
Tbilisidə ötən gün yaşayış binasında partlayış nəticəsində 6 nəfərin həlak olması ilə bağlı noyabrın 22-si Gürcüstanda matəm elan edilib.
Redaktor.az xəbər verir ki, bu barədə Gürcüstan hökuməti qərar qəbul edib.
Qərara əsasən, həmin gün ölkə boyu Gürcüstanın dövlət bayraqları yarıya endiriləcək. Bununla yanaşı, noyabrın 22-si bütün kütləvi əyləncə tədbirləri qadağan edilib.
Xatırladaq ki, noyabrın 19-da səhər saatlarında Tbilisidə yaşayış binasında qaz sızması nəticəsində baş verən partlayışda 6 nəfər həlak olub, daha 5 nəfər isə yaralanıb.













