Miqran Poqosyan Rusiyada həbs olunub
Rusiya məhkəməsi Ermənistanın sabiq baş məhkəmə icraçısı və deputatı Miqran Poqosyanı öz ölkəsinə ekstradisiya etmək məsələsini nəzərdən keçirmək üçün 40 gün müddətinə həbs edib.
Redaktor.az RİA "Novosti"-yə istinadən xəbər verir ki, bu barədə Ermənistan Baş Prokurorluğunun İctimaiyyətlə ələqalər şöbəsinin rəhbəri Arevik Xaçatryan məlumat yayıb.
O əlavə edib ki, Ermənistan Baş Prokurorluğu ekstradisiya üçün lazım olan bütün sənədləri Rusiya tərəfinə təhvil verib.
Poqosyan daha əvvəl Ermənistanda xidməti vəzifəsindən sui-istifadə edərək israfçılıq yolu ilə dövlət əmlakının xüsusi böyük həcmdə mənimsənilməsində ittiham olunaraq axtarışa verilib.
Rüfət Xəlil / REDAKTOR.AZ
Bizi Telegram-da izləyin...
