Türkiyədən Donald Trampın bəyanatına cavab
Türkiyə Xarici İşlər Nazirliyi ABŞ Prezidenti Donald Trampın 1915-ci il hadisələri ilə bağlı bəyanatını rədd edib.
Redaktor.az Türkiyə mediasına istinadən xəbər verir ki, bu barədə Türkiyə Xarici İşlər Nazirliyi bəyanat yayıb.
"Ermənilərin uydurduqları subyektiv bu açıqlamanın heç bir dəyəri yoxdur. Tarixin daxili siyasi mülahizələrlə saxtalaşdırılması əsla qəbuledilməzdir. Həmin dövrdə erməni üsyançılarla qətlə yetirilən 500 mindən çox müsəlmanın ağrılarını bir daha xatırladaraq Trampı ədalətli olmağa dəvət edirik", - bəyanatda deyilib.
Qeyd edək ki, bu gün Tramp qondarma erməni soyqırımını "böyük fəlakət" adlandırıb.
Rüfət Xəlil / REDAKTOR.AZ
Bizi Telegram-da izləyin...
