Ötən il ABŞ tərəfindən ölkə xaricindəki hərbi əməliyyatlarda 120 dinc sakin öldürülüb
2018-ci ildə ABŞ tərəfindən İraq, Suriya, Əfqanıstan, Somalidə keçirilən hərbi əməliyyatlar zamanı azı 120 dinc sakin öldürülüb.
Redaktor.az "TASS"-a istinadən xəbər verir ki, bu barədə Pentaqonun illik məruzəsində bildirilir.
Məruzəyə əsasən İraq və Suriyada 42, Əfqanıstanda 76, Somalidə isə 2 mülki şəxs həlak olub. Sənəddə həmçinin Liviya və Yəməndə mülki əhali arasında ölənlərin olub-olmamasına dair dəqiq məlumatların olmadığı qeyd edilib.
“ABŞ Müdafiə Nazirliyinin bütün əməliyyatları qanun çərçivəsində, o cümlədən mülki əhalinin müharibə dövründə qorunması prinsipləri əsasında keçirilib”, - məruzədə vurğulanır.
Rüfət Xəlil / Redaktor.az
Bizi Telegram-da izləyin...
