Kraldan tarixi əfv - Onminlərlə məhbus azadlığa çıxacaq
Tailand kralı Maxa Vaçiralonqhorn (X Rama) mayın 4-6-da keçiriləcək tacqoyma mərasimi ilə əlaqədar onminlərlə məhbusu əfv edib.
Redaktor.az Rusiya mediasına istinadən xəbər verir ki, müvafiq fərman aprelin 21-də imzalanıb.
Əfv edilən məhbusların arasında hazırda fəaliyyət göstərməyən “Demokratiya uğrunda xalq alyansı” partiyasının liderləri də var. Onların hər biri fevralın 13-də 8 ay həbs cəzasına məhkum edilmişdi. Kralın əfvi müxtəlif kiçik qanun pozuntularına yol verən insanlara şamil olunacaq. Həmçinin cəzaçəkmə müəssisələrində özünü nümunəvi aparanların cəzaları yüngülləşdiriləcək.
Rüfət Xəlil / Redaktor.az
Bizi Telegram-da izləyin...
