"Səudiyyə Ərəbistanındakı hücumlarda İranın əli yoxdur" - XİN
“Səudiyyə Ərəbistanında neft yataqlarına təşkil edilən hücumlarda İranın əli yoxdur”.
Redaktor.az xəbər verir ki, İranın Xarici İşlər Nazirliyinin mətbuat katibi Abbas Musəvi belə açıqlama verib. O bildirib ki, hücumlarda Tehranın əli olduğuna dair səsləndirilən iddialar tamamilə əsassızdır.
“Tehran Yəmən xalqının hüquqlarını tam dəstəkləyir. Lakin hücumlarla bağlı İranın ünvanına səsləndirilən iddialar yalandır”- deyə diplomat qeyd edib.
Xatırladaq ki, iki gün əvvəl Yəməndəki Husi üsyançıları pilotsuz uçan aparatlarla krallıqdakı neft zavodlarını hədəfə alıblar.
Anar Türkeş / Redaktor.az