“Müttəfiqlərin bəzi məsələlərlə bağlı fikir ayrılıqları var” - Yens Stoltenberq
“Sammit konstruktiv və çox məhsuldar şəraitdə keçirildi. Çox yaxşı atmosfer var idi”.
Redaktor.az-ın xəbərinə görə, bunu NATO-nun baş katibi Yens Stoltenberq sammitdən sonra keçirilən mətbuat konfransında deyib.
Türkiyənin Rusiyadan S-400 zenit raket kompleksi almasına münasibət bildirən baş katib bildirib ki, bu, Türkiyənin qərarıdır: “Bəzi müttəfiqlər bununla bağlı öz narahatlıqlarını bildiriblər. Mən də bu qərarın nəticələri ilə bağlı öz narahatlığımı bildirmişəm. Onu deyə bilərəm ki, S-400 NATO sisteminə inteqrasiya olmayıb”.
Y. Stoltenberq müttəfiqlər arasında bəzi məsələlərlə bağlı fikir ayrılıqları olduğunu da qeyd edib: “Unutmamaq lazımdır ki, biz müxtəlif tarixə, coğrafiyaya məxsus olan 29 müttəfiq ölkədən ibarətik. Ona görə, hər hansı məsələlərdə fikir ayrılıqları ola bilər”./apa/
Bizi Telegram-da izləyin...
