Çox işlədiyi üçün həmkarları tərəfindən öldürüldü

 21:35 14.02.2020     1579

Türkiyənin İstanbul şəhərində bir neçə şəxs iş yoldaşlarını döyərək öldürüblər.

Redaktor.az-ın xəbərinə görə, 21 yaşlı Xəlil Kiraz Maltəpədə iş yoldaşları tərəfindən döyülüb.

Belə ki, hoteldə işləyən X.Kirazın “çox işləməsi” mövzusu onunla iş yoldaşları arasında mübahisəyə səbəb olub. Mübahisə böyüyüb və beş nəfər iş yoldaşı X.Kirazı döyüblər.

Huşunu itirmiş Kiraz xəstəxanaya çatdırılaraq reanimasiya şöbəsinə yerləşdirilib və beş ay sonra orada vəfat edib.

İş yoldaşları onun yıxılaraq yaralandığını desələr də, onu döyməkdə və ölümünə səbəb olmaqda şübhəli bilinən həmin şəxslər - Batuhan A., İslam K., Kerem N., Erkal Ç., Ufuk K. saxlanılıb.

İstintaq prosesində onların X.Kirazı hoteldə çox işlədiyi üçün döyərək ağır yaraladıqları və pilləkənlərdən aşağı itələdikləri məlum olub.

Onlar əvvəl də X.Kirazla “sən çox işləyib pis nümunə olursan, müdir bizim də sənin qədər işləməyimizi istəyir”, - deyə dava ediblər. //Oxu.az

1