İNTİHAR: Nazir özünü qatarın altına atıb - Koronavirus sonu oldu... / FOTO
Almaniyanın Hessen əyalətinin maliyyə naziri Tomas Şhaefer özünü sürət qatarının önünə atıb.
Redaktor.az xəbər verir ki, Xristian Demokratik Birlik Partiyasından olan siyasətçinin intihar etmə səbəbinin koronavirus olduğu məlum olub.
Nazir ölümündən əvvəl yazdığı intihar məktubunda bildirib ki, koronavirus epidemiyasının ölkədə yaratdığı iqtisadi böhranla bağlı ümidsizliyə qapılıb.
Baş verən hadisədən sonra Hessen əyalətinin baş naziri Volker Bouffier açıqlama verib. O bildirib ki, Tomas Şhaefer böhranın stressini yaşayırdı:
“Son günlər böhranla əlaqədar çox çalışdıq. O, böhranın stresini yaşayırdı. Xəbər bizi dərindən sarsıtdı. Çox təəssüf edirik. Şhaefer böhranla mübarizə aparmaq üçün gecə-gündüz işləyirdi. Belə dövrdə onun kimi təcrübəli biri bizə çox lazım idi".
Sevda Ulutau / Redaktor.az