Özbəkistanda koronavirusa yoluxanları sayı 2 minə çatır
Özbəkistanda koronavirusa yoluxanların sayı 1 955-ə çatıb.
Redaktor.az-ın xəbər verir ki, məlumatı ölkənin Səhiyyə Nazirliyi yayıb.
Bildirilib ki, son sutkada 16 nəfərdə virus aşkarlanıb. Özbəkistanda koronavirusdan 8 pasiyent ölüb, 992 nəfər isə sağalıb. 80 mindən çox insan karantində saxlanılır.
Qeyd edək ki, Mərkəzi Asiya ölkəsində karantin rejimi mayın 10-dək davam edəcək.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 3 139 000-i ötüb. Bunların 959 212 nəfəri sağalıb, 218 024 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.