Türkiyədə son sutkada koronavirusdan 23 nəfər ölüb

 21:38 20.05.2020     412

Türkiyədə son 24 saat ərzində daha 23 nəfər yeni növ koronavirusdan (COVİD-19) dünyasını dəyişib.

Redaktor.az-ın məlumatına görə, bu barədə Türkiyənin səhiyyə naziri Fahrettin Koca bildirib.

Nazir bildirib ki, koronavirusdan ölənlərin ümumi sayı 4 222 nəfərə çatıb.

Onun sözlərinə görə, ölkədə 972 yeni yoluxma halı qeydə alınıb, yoluxanların ümumi sayı 152 587 nəfərə çatıb.

Nazir əlavə edib ki, ölkədə koronavirusdan sağalanların ümumi sayı son sutkada 1 092 olmaqla 113 987 nəfər təşkil edir.

Son sutka ərzində koronavirusla bağlı 20 838 test aparılıb.