Sürücünü döyən şəxs saxlanıldı - DİN-dən AÇIQLAMA
Xəbər verdiyimiz kimi, bu il yanvarın 8-də Abşeron rayon Hökməli qəsəbəsi Yeni yaşayış massivində yaşayan “Atico” MMC-nin sürücüsü Abasov Şahin Vidadi oğlu gecə saatlarında evinə basqın edən şəxslər tərəfindən ölümcül döyülüb.
Ş.Abasov Redaktor.az-a açıqlamasında bildirib ki, onun hadisə zamanı burnu sındırılıb. O, burnundan bir dəfə ağır əməliyyat keçirsə də, problem tam olaraq həll edilməyib və həkimlər ikinci dəfə onu əməliyyat edəcəklər. Ş.Abasov onu döyən şəxsin cəzalandırılması üçün Daxili İşlər Nazirliyinə müraciət etmişdi.
DİN-in Mətbuat xidmətinin əməkdaşı polis leytenantı Elbrus İbrahimov Redaktor.az-a bildirdi ki, hadisəni törətməkdə şübhəli bilinən S.Eyvazov polis əməkdaşları tərəfindən müəyyən olunaraq saxlanılıb.
Araşdırma aparılır.
Vasif ƏLİHÜSEYN
Bizi Telegram-da izləyin...
